Alfred Hauge

Alfred Hauge (1915-1986) var fødd i Sjernarøy i Rogaland. Han debuterte som forfattar i 1941 og utgav ei rekkje bøker, både romanar, dikt, skodespel og erindringar, dels på nynorsk, dels på bokmål. Han nådde eit stort publikum med romantrilogien om Cleng Peerson og den norske utvandringa til Amerika (Hundevakt, 1961; Landkjenning, 1964; Ankerfeste, 1965), som også gav han Kritikarprisen. Frå å ha skrive relativt konvensjonelle romanar prega av trekk frå kristen triviallitteratur, utvikla Hauge seg gjennom mange fasar i forfattarskapen til ein av våre mest eksperimentelle prosaforfattarar, og vart ein visjonsdiktar i si tid.