Under Bergens smog bur ein ubestemt skapning, ei ung kvinne, stranda på ein midlertidig hybel. Ho finansierer husleige, alkoholforbruk og studielån med løna for arbeidet i makuleringstenesta til Fretex. Ho har ein kvernande einetale i sitt indre, men likar å bli forstyrra av vener. Håpet og festen er ein roman om den latterlege avstanden mellom det vesle livet ein er bunden i og dei store banda som knyter verda saman. «Håpet og festen etablerer Kjersti Rorgemoen som et av våre beste håp for den komiske romanen. Sjeldent gode setninger tilfører eksistensielt trykk til historien om en ganskevanlig student med uvanlig velutviklede observasjonsevner.» Ane Farsethås, Morgenbladet - Årets beste bøker 2015 «En liten roman med en språklig presisjon som gjør den like lettlest og morsom som dyptloddende og tragisk.» Sandra Lillebø, Klassekampen - Årets beste bøker 2015
Purkene snudde seg er Magna Bekk sine notat frå livet som Magna Bekk. Notata består av ei rekkje episodar, ankedotar og minne: om å bli fridd til i det offentlege rom, om den villeiande begeistringa for den historiske hesten Kloke Hans, om eit forstemmande forsøk på å gå på dansekurs, om ei kort karriere som sjåfør på bokbussen og om oppvekst og frilansarbeid på svinefarm. Men mest av alt er Purkene snudde seg driven fram av hovudpersonen si særmerkte oppleving og vurdering av verda: skeptisk, analytisk og svært vittig.