Runar Dahle

Runar Dahle (f. 1981) har vakse opp i Austrheim. Han har ein mastergrad i engelsk og jobbar nå som frilansar. For tida er han busett i Bergen. I 2010 debuterte han med novellesamlinga Der har vi deg, ja.

Utgivelser

Tom
Christine, ei seks år gammal jente, endrar gradvis åtferd. Ho blir taus, inneslutta og skyr andre barn. Ein dag begynner ho å snakke til ein imaginær leikekamerat. Ho kallar han for Tom. Hos BUP blir foreldra fortalde at fantasivennen er eit positivt teikn, men dei er likevel urolege. Tom opptrer aggressivt og skremmande, og bestemmer stadig meir over Christine. Snart blir familien dregne mot ei verd tom for alt anna enn redsler. – No må vi seie god natt, mamma. – Ja, jenta mi, no skal vi seie god natt. Camilla bøygde seg fram og gav Christine eit lett kyss på panna. – Du må seie god natt til han bak deg også. Camilla retta seg opp i ryggen og rynka augebryna. Dottera såg forbi henne. – Kva meiner du? – Den vesle mannen. I trappa.

Runa Eilertsen Runar Homble

Der har vi deg, ja E-BOK

Midt i den turbulensen som kallast livet I Der har vi deg, ja møter vi ei rekkje karakterar midt i den turbulensen som kallast livet. Ein mann ventar på taxien sin og må til slutt gå han i møte. Ei eldre kvinne spaserer langs bilvegen og vil komme seg heim. I novella "3. person" ligg ein fjerde person og lurar i kulissane, det meiner i alle fall hovudpersonen, som begynner å spionere på kona si for å finne ut om det er hald i mistanken. Vi møter menneske som prøver å gå kvarandre i møte, men som går for langt. Nokon er overarbeidde, andre løfter ikkje ein finger. Det handlar om omvegar og snarvegar, om blindvegar og utvegar. Om menneske som møter seg sjølv i døra, eller vel å hoppe ut vindauget i staden.

Nyhet

Over mitt lik

Astrid har det ikkje så lett: Mamma ligg på loftet på grunn av ein snikande sjukdom, og pappa har fått jobb som nattevakt i Ghostbnb, eit firma som leiger ut heimsøkte hus til turistar. I tillegg har dei akkurat flytta til regnbyen Bergen, der Astrid ikkje kjenner ei sjel. <o:p></o:p> Men så møter ho Ine og livet begynner å smile igjen. Samtidig er det noko som skurrar. Rundt dei to venninnene tar stadig merkelegare ting til å skje. Og mens regnet pøsar ned, oppdagar dei to kor raskt alt som kjennest trygt og ufarleg brått kan snu til det motsette.<o:p></o:p> Over mitt lik er ei medrivande historie full av mystikk, dødsviktige venner og innpåslitne døde. <o:p></o:p>