Endre veks opp som odelsgut i ei vestlandsbygd på 1800-talet. Han skal vere som faren og fedrane før han. Som ung mann treffer han Abelone, giftar seg med henne og tek over garden. Framtida ser ljos ut - til Endre blir sjuk og sengeliggjande, og garden lyt seljast. Kven er han utan retten og plikta han er fødd til? Kva skal han no leve for? Det er då bøkene kjem, frå andre sida av havet, og tek Endre med ut i verda. Sigd er ei forteljing i dikts form om eit enkelt - men samstundes storslått - liv, om dei universa bøkene kan opne, og korleis ein mann som er bunden til senga, kan ta del i oppdagingar i land langt borte. Det er ei forteljing om ei tid som ikkje finst meir, men som likevel er til å kjenne att. Og det er kjærleikshistoria om Endre og Abelone - som til slutt må lage seg sitt heilt eige språk for igjen å kunne snakke saman.
Våren 2020 blei alt annleis. Dette er andre dagar tek oss med tilbake til denne tida, til heimeskulen og den lokale skogen - til eit liv som brått blei så lite. Samstundes gjer boka store sprang: ut i verda, tilbake i historia, og inn i framtida - frå bygda mellom fjella, til den tinande permafrosten i Alaska. For utanfor den vesle bobla av stillstand som denne våren skapte i eit lite land, står verda med alle sine kriser og konfliktar og bankar på. «Diktene om desse andre dagane går rett i hjerterota.» Mette Bleken, Hardanger Folkeblad «Ruth Lillegravens bidrag til koronalitteraturen er eit nødvendig memento mori.» Margunn Vikingstad, Morgenbladet «Ruth Lillegraven meistrar denne langdiktforma og fortel om det nære og fjerne om kvarandre, som for å utlikne, som for å trøyste både seg sjølv og lesaren om at dette går bra til slutt.» Vidar Kvalshaug, BOK365.no «Et «must» for alle Lillegraven-fan der ute, eller egentlig et «must» for alle som liker en god tekst, for det er plett umulig å ikke bli berørt av disse diktene.» Beathe Solberg, Beathesbibliotek.wordpress.com
