<p><em>Kan bakteriar bæsje?</em> er ei morosam faktabok som inviterer lesaren til å vere med på å utforske bakteriane rundt oss. Gjennom små historier og fakta kan barna sjølve svare på opne spørsmål undervegs i boka. Målet er ikkje å gi barna eit fasitsvar, men at dei skal bli engasjerte og få lyst til å lære seg meir om bakteriar.</p> <p>Boka kan lesast høgt for barn frå tre år og oppover, men passar for alle som ønskjer å bli betre kjende med organismane som har vore på jorda lengst av alle. Ho gir innblikk i bakteriane si forunderlege verd og viser kva dei betyr for helsa vår og naturen rundt oss.</p> <p>Unni Vik har doktorgrad i mikrobiell økologi (sopp og bakteriar) og forskar på barns tilknyting til natur. Dette er den første boka hennar.</p> <p> </p> <p> </p>
<p>Sopp er mykje meir enn noko du plukkar av pizzaen din eller finn på hemmelege stader i skogen.</p><p>Visste du for eksempel at det er sopp som gjer bollane luftige og mjuke? Eller at usynleg sopp kan få gammalt treverk til å eksplodere, nesten som ein hemmeleg agent?</p><p>Bli med på ein sopptur utanom det vanlege! Kanskje oppdagar du noko du ikkje visste. Eller noko heilt nytt om noko du trudde du visste alt om!</p>